Sebeyolala ngenxebe abebegebhele uNtokozo Zakwe odume ngelika-Zakwe. Le nsizwa isimtholile umaqondana njengoba ngoZibandlela wonyaka owedlule ikuvezile ukuthi yona isithathile. Izolo ushiyele umkhakhe umyalezo omnandi ku-Instagram njengoba bekuwusuku lwakhe lokuzalwa umaMthembu.
Le nsizwa edabuka KwaMashu ingumculi we-Hip Hop onegalelo elikhulu kuleli, njengoba enenqwaba yezindodo egameni lakhe, okubalwa kuzo i-SAMA, VOYY, SATMA ,SAHHA nezinye asanda kuchoma ngazo ku-Twitter.