Iyaqhubeka eyokunqanyulwa kukagesi namuhla

U-Eskom usumemezele ukuthi uzocima ugesi ngokwesigaba sesibili namhlanje; kusukela ngo-9 ekuseni.

Akuzukugcina namuhla, kepha lokhu kuzoqhubeka kuze kube uMgqibelo ekuseni, kanti le nkampani ephehla ugesi ithi kunamathuba amaningi okuthi iyoqhubeka i-loadshedding nakule mpelasonto.

Le nkampani ithi ibhekene nenkinga yokungakwazi ukuba namandla anele okukhiqiza amandla kagesi.

Kwenzeka lokhu nje, u-Eskom ushilo ngaphambilini kule nyanga ukuthi izakhamizi zakuleli azilindele ukuthi i-loadshedding isazoqhubeka isikhathi esilinganiselwa izinyanga ezingu-18 ezayo – kuze kuba ingqalasizinda iba sesimeni esifanelekile.