Uzoqopha umlando eThekwini uSjava

Ngomhlaka-29 February 2020 bazobe benyelwe yinyoni esandleni abalandeli baka-Sjava eThekwini njengoba ezobe enandisa bukhoma e-ICC. Lena yikhonsathi yesibile ye-A Night With Sjava, eyokuqala ibise Sun Arena ePitoli ngomhlaka-27 October 2019 la abalandeli babuya bengawuvali umlomo ngekhono lakhe.

Kule khonsathi le nsizwa isuke icula yodwa iqhulula amanoni ngenhloso yokujabulisa abalandeli bayo, qinisekisa ukuthi leli thuba alikuphuthi ngokuthi uthenge ithikithi lakho kusenesikhathi eComputicket, abiza kusuka ku-R150. Ukuze ukhuthazeke, zibonele ngawakho okwakwenzeka eSun Arena ngokuthi ubukele u-SABC 1 mhlaka-21 December ngo-20:00 kusihlwa.